२८ चैत, पाँचथर । जेनजी आन्दोलनको क्रममा कारागारबाट भागेका १३ जनालाई पाँचथरमा प्रहरीले पक्राउ गरेको छ। पाँचथरका प्रहरी प्रमुख डीएसपी अनिश कर्णका अनुसार, विभिन्न समयमा ती १३ जनालाई नियन्त्रणमा लिइएको हो। शुक्रबार तुम्बेवा गाउँपालिका–२ बाट एकजनालाई प्रहरीले नियन्त्रणमा लिएको छ। सुनसरीको झुम्का कारागारबाट फरार रहेका ३५ वर्षीय रमेश लावतीलाई पनि प्रहरीले पक्राउ गरेको छ। कर्तव्य ज्यान मुद्धामा दोषी सावित भएर सजाय भोगिरहेका उनलाई त्यहाँबाटै पक्राउ गरिएको थियो। २५ वर्षको सजाय पाएका लावतीले ७ वर्षको कैद भुक्तान गरिसकेका थिए। उनको घर आएको गोप्य सूचनाको आधारमा प्रहरी सक्रिय भएको थियो। डीएसपी कर्णले फरार कैदी र बन्दीहरूको खोजी कार्य तीव्र गतिमा भइरहेको जानकारी दिएका छन्।
