इरान युद्धले वैदेशिक रोजगारी र रेमिटन्समा पर्न सक्ने प्रभावप्रति चिन्ता, नेपाल सरकारले खोज्दै समाधान

इरान युद्धले मध्यपूर्वमा द्वन्द्व लम्बिंदा त्यहाँ कार्यरत नेपालीहरूको रोजगारी र उनीहरूले पठन गर्ने रेमिटन्ससहितका विभिन्न क्षेत्रमा पर्न सक्ने नकारात्मक प्रभावहरूबारे नेपाली अधिकारीहरूले विश्लेषण गरिरहेको बताएका छन्। अमेरिका र इरानबीच पाकिस्तानको मध्यस्थतामा यस सप्ताहन्तमा भएको शान्तिवाताव विफल भएपछि चिन्ता बढेको छ। यद्यपि हालसम्म जारी द्वन्द्वको कारण वैदेशिक रोजगारी तथा विप्रेषणमा ठूलो नकारात्मक असर नदेखिएको अधिकारीहरूले बताएका छन्।

खाडी मुलुकहरूमा दक्ष र अदक्ष गरी करिब २० लाख नेपाली कार्यरत रहेको बताइन्छ। त्यस्तै नेपाल भित्र्याउने रेमिटन्समध्ये झन्डै ४० प्रतिशत खाडी क्षेत्रबाट आउँछ। अधिकारीहरूका अनुसार युद्ध लम्बिदै गए खाडी क्षेत्रको रोजगारी प्रभावित भएपछि रेमिटन्समा पनि नकारात्मक प्रभाव पर्न सक्ने सम्भावना छ। अर्थ मन्त्रालयको आर्थिक नीति तथा विश्लेषण महाशाखाका प्रमुख महेश भट्टराईले भने, “फागुन महिनामा त्यो हिस्सा अलिकति घटेको देखिएको छ, यद्यपि एक महिनाको तथ्यांक मात्र भएर कुनै निष्कर्ष दिन सकिदैन। तर यो अवस्था लम्बिँदा रोजगारी अवसरहरू घट्नेमा कुनै शंका छैन।”

परिस्थितिको गम्भीर विश्लेषणका लागि अर्थमन्त्री स्वर्णिम वाग्लेले पदभार सम्हालेपछि मन्त्रालयले महाशाखा प्रमुख भट्टराईको नेतृत्वमा विशेष कार्यदल बनाएर अध्ययन गरिरहेको छ। श्रममन्त्रीकी विज्ञ मीना पौडेलले भने अहिलेसम्म श्रमिकहरूको रोजगारीमा प्रत्यक्ष प्रभाव नपरे पनि यो अवस्था दीर्घकालीन रूपमा कायम नरहन सक्ने चेतावनी दिएकी छन्। उनले भनिन्, “खाडीमा कार्यरत कतिपय श्रमिकहरू बीचमा रोजगारदाता तर्फबाट ‘कतिपल्ट घर जानुस्’ भन्ने चिन्ता वा सन्देश आएको बुझिएको छ।”