१ वैशाख, काठमाडौं । इरानी राष्ट्रपति मसुद पेजेस्कियानले अमेरिकासँग शान्ति वार्ता निरन्तरता दिन तयार रहेको बताएका छन्। फ्रान्सका राष्ट्रपति इम्मानुएल म्याक्रोंसँगको संवादमा उनले विवाद समाधानका लागि कूटनीतिक उपाय अपनाउने आफ्नो प्राथमिकता रहेको उल्लेख गरेका छन्।
इरानका विभिन्न सञ्चारमाध्यमहरूको जानकारीअनुसार, इरानी राष्ट्रपतिले धम्की, दबाब तथा सैन्य कारबाही समस्याको समाधानमा सहायक नभएको औँल्याएका छन्। म्याक्रोंसँगको छलफलमा उनले अमेरिकाले नै यो समस्या सिर्जना र बढाएको दाबी पनि गरेका छन्।
त्यसैगरी, पेजेस्कियानले युरोपीय संघले अमेरिकालाई अन्तर्राष्ट्रिय कानुन र नियमहरूको पालना गर्न प्रेरित गर्नु आवश्यक रहेको बताएका छन्।
