१५ वैशाख, काठमाडौं । इरानले हालै अमेरिकालाई युद्ध अन्त्य गर्न नयाँ प्रस्ताव पठाएको छ। तर, अमेरिकी राष्ट्रपति डोनाल्ड ट्रम्प यसप्रति खुसी छैनन्। रोयटर्सका एक अधिकारीको हवाला दिँदै भनेको छ कि प्रस्तावमा इरानको परमाणु कार्यक्रमको कुनै उल्लेख नभएकोले ट्रम्प असन्तुष्ट रहेका छन्। यसअघि, व्हाइट हाउसकी प्रवक्ता केरोलाइन लेविटले राष्ट्रपति ट्रम्पले इरानको प्रस्तावबारे आफ्ना वरिष्ठ राष्ट्रिय सुरक्षा सल्लाहकारहरूसँग छलफल गरिरहेका बताएका थिए।
यसै बीच, अमेरिका र इरानबीच जारी द्वन्द्वका कारण ऊर्जा आपूर्तिमा कमी आइरहेको छ। अर्कोतर्फ, पछिल्ला दुई दिनमा इरानका विदेशमन्त्री अब्बास अरागचीले पाकिस्तान, ओमान र रसियाको भ्रमण गरेका छन्। इरानका लागि समर्थन जुटाउनु नै उनको भ्रमणको मुख्य उद्देश्य रहेको बताइएको छ। इस्लामाबादमा इरान र अमेरिकाबीच दोस्रो चरणको वार्ता हुन सकेको थिएन। वार्ता असफल भएपछि ट्रम्पले इरानलाई आफ्नो प्रस्ताव फोनमार्फत पनि पठाउन सक्ने बताएका थिए।
