१७ वैशाख, काठमाडौं । अमेरिकी राष्ट्रपति डोनाल्ड ट्रम्पका विशेष दूत सर्गियो गोर आज काठमाडौं आउँदैछन्। परराष्ट्र मन्त्रालयका एक स्रोतले जानकारी दिएका छन् कि उनी आज साँझ काठमाडौं ओर्लनेछन्। बालेन शाह नेतृत्वमा सरकार गठन भएपछि नेपाल भ्रमण गर्न आउने गोर सबैभन्दा उच्च तहका अमेरिकी कूटनीतिज्ञ हुन्। ३९ वर्षका गोर अमेरिका राष्ट्रपति ट्रम्पका दक्षिण तथा मध्य एसियाका विशेष दूत हुन्। उनी वर्तमानमा भारतका लागि अमेरिकी राजदूतको रूपमा पनि कार्यरत छन्। ट्रम्पका निकट सहयोगी मानिने उनलाई भारतप्रति राजदूतसँगै दक्षिण तथा मध्य एसियाका विशेष दूत नियुक्त गरिएको छ। यस हिसाबले, गोरको हैसियत ७ वैशाखका दिन काठमाडौं आएका अमेरिकी सहायक विदेशमन्त्री समिर पल कपुर भन्दा पनि बढी महत्वपूर्ण मानिन्छ।
काठमाडौं पहिलो पटक भ्रमण गर्न लागेका गोरको नेपाल भ्रमण मुख्यत व्यवसाय, लगानी तथा दुई देशबीचको सरकारी सम्बन्ध विस्तार जस्ता विषयमा केन्द्रित रहनेछन्, परराष्ट्र मन्त्रालयका स्रोतले बताएका छन्। गोरले अर्थमन्त्री डा. स्वर्णिम वाग्ले र परराष्ट्रमन्त्री शिशिर खनालसँग भेट गर्ने कार्यक्रम तय छ। नेपाल बसाइको दौरान राजनीतिक भेटघाट गर्ने अपेक्षा गरिएको छ, तर प्रधानमन्त्री बालेन शाहसँग भेट हुने वा नहुने अझै निश्चित छैन। प्रधानमन्त्रीका प्रेस सल्लाहकार दीपा दाहालले भनिन्, ‘प्रधानमन्त्री देशका आन्तरिक मामिलामा व्यस्त हुनुहुन्छ, विशेषगरी सुशासनका विषयमा ध्यान केन्द्रित हुनु भएको छ।’
पछिल्ला वर्षमा नेपाल भ्रमण गर्ने अधिकांश विदेशी कूटनीतिज्ञहरूले प्रधानमन्त्रीसहित शीर्ष राजनीतिक नेतृत्वसँग भेटघाट गर्ने गरेका छन्, तर बालेन शाह नेतृत्वको सरकारले यसमा केन्द्रीत केही परिवर्तन ल्याएको स्रोतले बताए। यसअघि काठमाडौं आएका अमेरिकी सहायक विदेशमन्त्री समिर पल कपुरले रास्वपा सभापति रवि लामिछाने र विभिन्न वरिष्ठ मन्त्रीहरूलाई भेटे पनि प्रधानमन्त्री बालेन शाहलाई भेट्न सकेनन्। बालेनले भेटका लागि समय उपलब्ध नगराउँदा गोर पनि कपुरजस्तै रास्वपाका नेता तथा वरिष्ठ मन्त्रीहरूलाई मात्र भेट्ने सम्भावना देखिएको छ। तर गोरले अर्थमन्त्री डा. स्वर्णिम वाग्ले र परराष्ट्रमन्त्री शिशिर खनालसँग भेट निश्चित छ।
