इरानी परराष्ट्रमन्त्रीले न्यूयोर्कमा अमेरिकासँग संवादका मध्यस्थहरूसँग वार्ता गर्ने

इरानका परराष्ट्रमन्त्री अब्बास अरागचीले अमेरिकासँगको वार्ताका मध्यस्थहरूसँग छलफल गर्न लागेका छन्। इरानको समाचार संस्था आईएसएनएको अनुसार परराष्ट्रमन्त्री अरागचीले इरानी प्रतिनिधिमण्डलसहित आजै अमेरिकासँगको वार्तामा संलग्न मध्यस्थ टोलीसँग भेट गर्नेछन्। कतारी प्रतिनिधिमण्डल हाल अमेरिकामा छन्। उनीहरूले गत साता होर्मुज स्ट्रेट पुनः खोल्ने साटो आर्थिक राहत दिनुपर्ने इरानी प्रस्ताव अमेरिकी अधिकारीहरूलाई प्रस्तुत गरेका थिए।

मध्यस्थ टोली र इरानी प्रतिनिधिमण्डलले ‘पछिल्ला प्रस्ताव तथा वर्तमान परिस्थितिबारे धारणा’ विषयमा छलफल गर्ने आईएसएनाले जनाएका छन्। अर्काे इरानी समाचार संस्था तस्निमका अनुसार, अमेरिकासँग प्रत्यक्ष वार्ता गर्ने कुनै योजना छैन।