नेपाली महिला क्रिकेट टोलीले रुवान्डामा सम्पन्न आईसीसी महिला च्यालेन्ज ट्रफीमा दोस्रो स्थान हासिल गरी स्वदेश फर्किएको छ। प्रतियोगिताको उपाधि अमेरिकाले जितेको छ, जसले ८ खेलमा ६ जित, १ हार र १ बराबरी खेलेको थियो। नेपालले ८ खेलमा ५ जित र ३ हारसहित १० अंक जोडेको छ भने अमेरिकाले १३ अंक हासिल गरेको छ।
२० वैशाख, काठमाडौं। रुवान्डामा भएको आईसीसी महिला च्यालेन्ज ट्रफी खेलाडी नेपाली महिला क्रिकेट टोली आइतबार बिहान नेपाल आइपुगेको हो। प्रतियोगितामा दोस्रो स्थान हासिल गरेको नेपाली टोलीले अमेरिकासँग दुबै खेलमा हार बेहोरेको छ भने इटाली र रुवान्डाविरुद्ध दुबै खेलमा जित हासिल गरेको छ। भानुआतुसँग एक जित र एक हारको परिणाम निकालेको छ। नेपालले ८ खेलमा १० अंक जोड्दा अमेरिकाले १३ अंक प्राप्त गरेको छ। रुवान्डाले ८ खेलमा ९ अंक, इटालीले ८ खेलमा ६ अंक र भानुआतुले २ अंक प्राप्त गरेका छन्।
