नेपाल क्रिकेट संघले एसियन गेम्स छनोट प्रतियोगिता र एसीसी महिला प्रिमियर कपका लागि नेपाली महिला राष्ट्रिय क्रिकेट टोलीको घोषणा गरेको छ। टोलीको कप्तानमा इन्दु बर्मा र उपकप्तानमा पूजा महतो चयन भएका छन्। सोनी पाख्रिन र सीता रानामगर लामो समयपछि पुनः राष्ट्रिय टोलीमा फर्किएकी छन्। २३ वैशाख, काठमाडौं।
एसियन गेम्स छनोट मलेसियामा मे २३ देखि ३१ सम्म हुनेछ भने प्रिमियर कप जुन १ देखि १३ सम्म सञ्चालन गरिनेछ। टोलीमा रुबी पोद्दार, कविता जोशी, सिता रानामगर, अनु कठायत, सोनी पाख्रिन, सिमाना केसी, बिन्दु रावल, सम्झना खड्का, कविता कुँवर, रिया शर्मा, मनीषा उपाध्याय र रुबिना छेत्री रहेका छन्।
सोनी पाख्रिनले लामो समयपछि सिनियर राष्ट्रिय टोलीमा पुनः प्रवेश पाएकी छिन्। यसैगरी, राइजिङ स्टार्स महिला एसिया कपमा खेलेर रुवान्डामा भएको शृंखला खेलेकी छैनन् भन्ने सीता रानामगर पनि टोलीमा पुनः समावेश भएकी छन्। सावित्री धामी, सोमु बिष्ट, सना प्रवीण र लक्ष्मी साउदलाई वैकल्पिक खेलाडीको रूपमा राखिएको छ।
