हुम्लामा काठको गोलिया लागेर एक बालकको मृत्यु

२४ वैशाख, हुम्ला । हुम्लाको सर्केगाड गाउँपालिका–८ फुचामा लडेर आएको काठको गोलिया (मुडा) लागेर एक बालकको मृत्यु भएको छ । धौलापानी सामुदायिक वनमा बाख्रा चराउन गएका सर्केगाड गाउँपालिका–८ का १४ वर्षीय कविन्द बुढाथोकीको मृत्यु भएको छ । सर्केगाड गाउँपालिका–७ का ३९ वर्षीय धनराज शाही र २८ वर्षीय सुकवीर सार्कीले सल्लाको काठ काटेर माथिबाट खोलामा फालेका थिए । त्यो गोलिया बाख्रा चराउन वनमा गएका कविन्दलाई लागेको र मृत्यु भएको जिल्ला प्रहरी कार्यालय हुम्लाले जनाएको छ ।