एभरेस्ट बैंकले वि.सं. २०८३ सालको नयाँ कर्पोरेट क्यालेन्डर सार्वजनिक गरेको छ। क्यालेन्डरको विषयवस्तु “नेपालको विकास यात्राः नवप्रवर्तनका आयाम” रहेको छ। बैंकका सञ्चालक समितिका अध्यक्ष डा. बालगोपाल वैद्यले क्यालेन्डरको अनावरण गरेका छन्।
बैंकले लामो समयदेखि नेपालको धर्म, संस्कृति, पर्यटन र पुरातात्त्विक महत्त्वका विषयवस्तुहरूलाई समेटेर कर्पोरेट क्यालेन्डर प्रकाशन गर्दै आएको छ। यसै परम्परालाई निरन्तरता दिने क्रममा, वि.सं. २०८३ सालको नयाँ क्यालेन्डरमा उन्नाइसौं शताब्दीको मध्यदेखि सुरु भएको र महादेशीय दृष्टिकोणले महत्त्वपूर्ण मानिने ‘‘नेपालको विकास यात्राः नवप्रवर्तनका आयाम’’ लाई मुख्य विषयवस्तुका रूपमा प्रस्तुत गरिएको छ।
एक विशेष समारोहमा, बैंकका सञ्चालक डा. बालगोपाल वैद्यले क्यालेन्डरको अनावरण गरे। उक्त समारोहमा बैंकका सञ्चालकहरू र अन्य उच्च पदस्थ अधिकारीहरूको उपस्थिति रहेको थियो। बैंकसँग हाल १४ लाखभन्दा बढी ग्राहक छन् र यसले देशभर १३३ शाखा सञ्जाल, ४ एक्स्टेन्सन काउन्टर, ७ प्रादेशिक कार्यालय र १६३ वटा एटीएम सञ्चालन गरिरहेको छ।
सम्बन्धित खबर
