नेपाली कांग्रेसले आफ्नो क्रियाशील सदस्यताको अद्यावधिक प्रक्रिया सहज बनाउने उद्देश्यले ‘एआई कल सेन्टर’ सञ्चालनमा आएको जनाएको छ। अब सदस्यता अपडेट अनलाइनमार्फत गराउन सकिने व्यवस्था सँगै थप सहजीकरण प्रदान गर्न यो कल सेन्टर स्थापना गरिएको हो। सदस्यहरूले ९७०१२५५५५५ मा सम्पर्क गरी ‘कांग्रेस एआई साथी’ सँग सिधा कुराकानी गर्न पाउनेछन्। ‘कांग्रेस एआई साथी’ चौविसै घण्टा सदस्यता अपडेट गर्ने क्रममा देखिने समस्याहरू, जिज्ञासा र सुझावहरू सुनेर तुरुन्तै समाधान गर्ने बताइएको छ।
