अमेरिकी केन्द्रीय गुप्तचर संस्था (CIA) का निर्देशक जोन र्याटक्लिफ क्युबाको राजधानी हवाना पुगेका छन् र त्यहाँका उच्च अधिकारीहरूसँग दुर्लभ भेटवार्ता गरेका छन्। क्युबाले यस बैठकलाई ‘क्युबा अमेरिकी राष्ट्रिय सुरक्षाका लागि खतरा होइन’ भनी स्पष्ट पारेको बताएका छन्। यो भेटघाट राष्ट्रपति ट्रम्प र चिनियाँ राष्ट्रपति सी चिनपिङबीचको वार्ताको समयमा सम्पन्न भएको हो।
क्युबाली पक्षले जारी गरेको विज्ञप्तिमा उल्लेख छ कि यो बैठक द्विपक्षीय सम्बन्धमा देखिएको जटिलताबीच राजनीतिक संवादलाई अगाडि बढाउन मिलेर गरिएको हो। राष्ट्रपति ट्रम्पले क्युबालाई ‘असफल राष्ट्र’ को उपमा दिँदै त्यहाँको शासन व्यवस्थामा अमेरिकी हस्तक्षेपको चेतावनी समेत दिएका थिए।
ट्रम्पले केही दिनअघि नै अमेरिकाले क्युबामाथि ‘तात्कालिक नियन्त्रण जमाउन सक्ने’ दाबी गरेका थिए। वाशिङ्टनले जनवरीदेखि क्युबामाथि नयाँ प्रतिबन्धहरू लागू गर्दै त्यहाँ आयात हुने तेलमा समेत प्रभावकारी रुपमा रोक लगाएको छ। चीनले भने अमेरिकाले क्युबामाथि लगाएका यी प्रतिबन्धहरूलाई ‘गैरकानुनी’ भन्दै कडा आलोचना गरेको छ।
सम्बन्धित खबर
