अन्तर्राष्ट्रिय म्याराथन एण्ड डिस्टेन्स रेस एसोसियसन (एम्स)ले नेपालगन्ज म्याराथनलाई २०८० सालमा एम्स सामाजिक अवार्ड दिने निर्णय गरेको छ। यो अवार्ड एम्सको २५ औं वर्ल्ड कंग्रेसमा जुन १८–२० मा नर्वेको ट्रम्सोमा प्रदान गरिनेछ। नेपालगन्ज म्याराथनका संस्थापक टीएस ठकुरीका अनुसार यो सम्मान सामाजिक पहल र सकारात्मक कार्यका लागि प्राप्त भएको हो।
वर्ल्ड रनिङको साझा संस्था एसोसियसन अफ इन्टरनेसनल म्याराथन एण्ड डिस्टेन्स रेस (एम्स)ले नेपालगन्ज म्याराथनलाई यस वर्षको ‘एम्स सोसल अवार्ड’ प्रदान गर्ने निर्णय गरेको छ। यो पुरस्कार विश्वका रेस आयोजकमध्येबाट छनोट हुने अत्यन्त प्रतिष्ठित पुरस्कार हो। छनोट समिति संयोजक तथा एम्स उपाध्यक्ष मार्था मोरालेसले अवार्डको बारेमा जानकारी र बधाई नेपालगन्ज म्याराथनका संस्थापक ठकुरीलाई दिएका छन्।
यसअघि २०१३ देखि २०१९ सम्म विभिन्न म्याराथनहरूले यो पुरस्कार प्राप्त गरेका थिए। उपाध्यक्ष मार्थाले पत्र लेख्दै ठकुरीलाई भनिन्, ‘हामी तपाईंलाई जानकारी गराउन पाउँदा अत्यन्त खुशी छौं कि नेपालगन्ज म्याराथन यस वर्षको प्रतिष्ठित एम्स सोसल अवार्ड प्राप्तकर्ताको रूपमा चयन गरिएको छ।’
नेपालगन्ज म्याराथन सन् २०१५ देखि निरन्तर सञ्चालन हुँदै आएको दौड हो। यसले कोभिडकालमा पनि नेपाल सरकारको प्रोटोकल पालना गर्दै टोकियो ओलम्पिकका लागि खेलाडी छनोटमा भूमिका खेलेको थियो। म्याराथनले बहुजातीय, बहुधार्मिक र बहुसांस्कृतिक शहरलाई शान्ति र सद्भावको माध्यमका रूपमा लिएको छ। संस्थापक टीएस ठकुरीले भने, ‘यो अन्तर्राष्ट्रिय अवार्डले हामीलाई ऊर्जा प्रदान गर्नेछ र नेपाललाई विश्वमा चिनाउनेछ।’
सम्बन्धित खबर
