अमेरिकी राष्ट्रपति डोनाल्ड ट्रम्पले इरानसँगको शान्ति वार्ता ठप्प अवस्थामा रहेको बेला ‘समय सकिंदै गएको’ बताएका छन्। ट्रम्पले इरानलाई तुरुन्तै कदम चाल्न चेतावनी दिएका छन्, नभए ‘केही बाँकी नरहने’ हुने बताएका छन्। इरानले युद्ध तुरुन्त अन्त्य गर्ने प्रस्ताव गरेको छ, तर अमेरिकाले त्यसमा प्रतिक्रिया दिएको छैन। ५ जेठ, काठमाडौं।
शान्ति वार्तामा अमेरिकाले राखेका सर्तहरू पूरा गर्न दबाब दिँदै ट्रम्पले नभए इरानसँग ‘केही पनि बाँकी नरहने’ चेतावनी समेत दिएका छन्। ट्रम्पले सामाजिक सञ्जाल ट्रुथ सोसलमा लेखेका छन्, ‘इरानको समय सकिँदै छ। उनीहरूले तुरुन्त कदम चाल्नुपर्छ, नत्र उनीहरूसँग केही पनि बाँकी रहने छैन। समय अत्यन्त महत्वपूर्ण छ।’ ट्रम्पको यो पछिल्लो सन्देशले अघिल्लो चेतावनी दोहोर्याएको हो, जसमा उनले युद्ध अन्त्य गर्न इरानले सहमति नदिए ‘पूरै सभ्यता समाप्त’ हुनसक्ने धम्की दिएका थिए।
अमेरिकाले इरानलाई एउटा मात्र आणविक केन्द्र सञ्चालनमा राख्न र अत्यधिक समृद्ध युरेनियम भण्डार अमेरिकालाई हस्तान्तरण गर्न दबाब दिएको छ। तर, इरानले अमेरिकाका सर्तहरू अस्वीकार गर्दै आएको छ। इरानी सञ्चारमाध्यमका अनुसार अमेरिकाले राखेका प्रस्तावहरूमा इरानले नयाँ प्रस्ताव राखेको छ, तर अमेरिकाले कुनै जवाफ दिएको छैन। इरानको समाचार संस्था मेहर न्युज एजेन्सीले अमेरिकाले सम्झौता नगर्नु वार्तालाई अवरोधतर्फ धकेल्नु जस्तो भएको जनाएको छ।
इरानको तस्निम समाचार एजेन्सीका अनुसार इरानको प्रस्तावमा सबै मोर्चामा युद्ध तुरुन्त अन्त्य गर्ने कुरा समावेश छ। लेबनानमा इरान समर्थित हिज्बुल्लाहमाथि इजरायलले जारी राखेको आक्रमण रोक्नुपर्ने, इरानी बन्दरगाहमाथि अमेरिकी नौसैनिक नाकाबन्दी हटाउनुपर्ने र इरानमाथि थप आक्रमण नगर्ने ग्यारेन्टी माग इरानको हो। त्यसैगरी, युद्धका कारण भएको क्षतिको क्षतिपूर्ति दिने र होर्मुज जलमार्गमा इरानको सार्वभौमिकता स्वीकार गर्ने विषयमा पनि जोड दिइएको छ।
