नेपाली तेक्वान्दो खेलाडी प्रेम लिम्बूले मंगोलियाको उलानबातारमा भइरहेको नवौं एसियन पुम्से तेक्वान्दो च्याम्पियनसिपमा कांस्य पदक जितेका छन्। प्रेमले रिकग्नाइज्ड पुम्से पुरुष ४० वर्षमुनि प्रतिस्पर्धामा कुवेतविरुद्ध क्वाटरफाइनलमा वाकओभर पाएर सेमिफाइनलमा दक्षिण कोरियाली खेलाडीसँग ८.९–८.६ अंकले पराजित भएपछि काँस्य पदकमा सीमित भए।
नेपाल प्रहरीमा आबद्ध प्रेमले कोरियन प्रशिक्षक क्वान योङ् दाल र जित बहादुर बोटबाट प्रशिक्षण लिँदै आएका छन् र सन् २०२६ को वर्ल्ड तेक्वान्दो पुम्से च्याम्पियनसिप तथा २०औं एसियन गेम्सलाई लक्ष्य बनाएका छन्।
प्रेमले एसियन पुम्से च्याम्पियनसिपमा पदक जितेपछि छोटो प्रतिक्रिया दिँदै अत्यन्त खुशी लागेको र आगामी दिनमा अझ राम्रो गर्ने लक्ष्य रहेको बताए। उनले आगामी लक्ष्य सन् २०२६ मा सञ्चालन हुने वर्ल्ड तेक्वान्दो पुम्से च्याम्पियनसिप र २०औं एसियन गेम्स रहेको पनि बताए।
सम्बन्धित खबर
