चीन र रुसले अन्तरिक्ष क्षेत्रमा सहकार्य गर्न सहमति जनाएका छन्। बेइजिङमा आयोजित रूसी राष्ट्रपति भ्लादिमिर पुटिन र चिनियाँ राष्ट्रपति सी जिनपिङबीचको भेटवार्तामा यो समझदारी कायम भएको हो। दुई नेताहरूबीचको भेटपछि जारी गरिएको संयुक्त वक्तव्यमा उल्लेख छ कि दुवै पक्षले अन्तर्राष्ट्रिय चन्द्र अनुसन्धान स्टेशन (इन्टरनेशनल लुनार रिसर्च स्टेशन) मा संयुक्त रूपमा काम गर्दै अन्तरिक्ष क्षेत्रको व्यावहारिक साझेदारीलाई अझ गहिरो बनाउने उद्देश्य राखेका छन्।
यसैगरी, दुई देशले उपग्रह नेभिगेसनमा पारस्परिक लाभदायक सहयोगलाई थप बलियो बनाउने योजना बनाएका छन्। यस अन्तर्गत रुसको अन्तरिक्ष-आधारित उपग्रह नेभिगेसन तथा पोजिसनिङ प्रणाली ‘ग्लोनास’ र चीनको ‘बाइदोउ’ नेभिगेसन प्रणालीबीच पूरक समन्वय र साझेदारी सुनिश्चित गर्ने सम्झौता गरिएको छ।
सम्बन्धित खबर
