मलेसियाले दोस्रो टी-२० आई खेलमा नेपाललाई ८३ रनको लक्ष्य दिएको छ। मलेसियाले २० ओभरमा ९ विकेट गुमाएर ८२ रन बनाएको हो। नेपालका कविता कुँवर, रिया शर्मा र रुबिना क्षेत्रीले समान रूपमा २-२ विकेट लिए। ८ जेठ, काठमाडौं। एसियन गेम्सको तयारीका क्रममा नेपाल र मलेसियाली महिला टोलीबीचको दोस्रो टी-२० आई खेलमा मलेसियाले नेपाललाई ८३ रनको लक्ष्य दिएको छ। टस जितेर पहिलो ब्याटिङ गरेको मलेसियाले २० ओभरमा ९ विकेट गुमाउँदै ८२ रन बनाएको हो। मलेसियाका लागि आइना हमिजा १७ रन बनाइन् भने धनुश्रीले १५ रनमा योगदान दिइन्, आरियाना नताशा १३ रनमा नटआउट रहिन्। नेपालका कविता कुँवर, रिया शर्मा र रुबिना क्षेत्रीले प्रत्येकले २-२ विकेट लिए भने पूजा महतो र सीता रानामगरले १-१ विकेट लिए। यसअघि पहिलो खेलमा नेपालले ६८ रनको लक्ष्य पछ्याउँदै संघर्षपूर्ण जित हासिल गरेको थियो।
