नेपालले काभा महिला भलिबल च्याम्पियनसिपको सेमिफाइनलमा समूह ‘बी’ को विजेता इरानसँग प्रतिस्पर्धा गर्ने भएको छ। अर्को सेमिफाइनल खेलमा समूह ‘ए’ को विजेता भारत र समूह ‘बी’ को उपविजेता काजखस्तान भिड्नेछन्। दुवै सेमिफाइनल खेलहरू आगामी १४ जेठमा त्रिपुरेश्वरस्थित कभर्डहलमा सञ्चालन हुने तय गरिएको छ।
नेपालले समूह चरणको अन्तिम खेलमा काजखस्तानलाई हराउँदै इरान समूह बी को विजेता बनेको छ। समूह ए को उपविजेता नेपालले इरानको सामना गर्न लागेको हो। भारतले किर्गिस्तानलाई सोझो सेटमा पराजित गर्दै समूह ए को विजेता बनेको थियो। नेपालले सन् २०२४ मा काठमाडौंमा भएको काभा महिला च्यालेन्ज कपमा इरानसँग दुई पटक खेल्दा एक जित र एक हारको नतिजा निकालेको थियो।
अर्को सेमिफाइनल खेल समूह ए को विजेता भारत र समूह बी को उपविजेता काजखस्तानबीच हुनेछ। दुवै सेमिफाइनल खेल जेठ १४ गते त्रिपुरेश्वरस्थित दशरथ रंगशाला कभर्डहलमा हुनेछन्। इरानले काजखस्तानलाई २५-२२, २५-२०, २५-२२ को सोझो सेटमा पराजित गरेको थियो। यस अघि श्रीलंका र माल्दिभ्सलाई हराउँदै काजखस्तान र इरानले सेमिफाइनलमा स्थान सुनिश्चित गरेका थिए।
इरानले समूह बी मा लगातार तीन खेल जित्दै ९ अंक जोडेर शीर्ष स्थानमा रह्यो भने काजखस्तान दुई जित र एक हारसँगै ६ अंकसहित दोस्रो स्थानमा रह्यो। गत वर्ष उज्बेकिस्तानमा भएको पहिलो संस्करणको काभा महिला भलिबल च्याम्पियनसिपमा इरानले उपाधि जितेको थियो।
