नेपाली एमएमए फाइटर रविन्द्र ढाँट युएफसीको छनोट प्रतियोगिता रोड टु युएफसी सिजन ५ को सेमिफाइनल चरणमा पुगेका छन्। १४ जेठ, काठमाडौं। बिहीबार मकाउको ग्यालेक्सी एरेना मा भएको क्वाटरफाइनल खेलमा फिलिपिन्सका किम्बर्ट अलिन्टोजोनलाई दोस्रो राउन्डमा पराजित गर्दै रविन्द्रले सेमिफाइनल यात्रा तय गरेका हुन्। ‘बझाङको बाघ’ भनेर परिचित ढाँटलाई समर्थन गर्न हजारौं नेपाली समर्थकहरू उपस्थित थिए।
रविन्द्र रोड टु युएफसीमा जित निकाल्ने पहिलो नेपाली फाइटर बनेका छन्। सेमिफाइनलमा उनले जापानका योनुसुके मिनामी र न्यूजिल्याण्डका कासिब मर्डोकबीचको विजेतासँग प्रतिस्पर्धा गर्नेछन्। शुरूमै म्याट्टी इयानसँग भिड्ने योजना रहेको थियो, तर म्याट्टी घाइते भएपछि फिलिपिन्सका किम्बर्ट अलिन्टोजोनले उनको स्थान लिए। ब्यान्टमवेट तौल वर्गमा प्रतिस्पर्धा गरिरहेका रविन्द्र विजेता बने प्रतियोगिता युएफसीको मुख्य स्टेजमा प्रवेश गर्नेछन्। नेपाली एमएमएको एक प्रमुख फाइटरका रूपमा, उनले गत वर्ष भारतको ग्रेटर नोएडामा भएको मेट्रिक्स फाइट नाइट १७ मा भारतका चुंगरेन कवरेनलाई नॉकआउट गरेर उपाधि जितेका थिए।
