फोन चलाउँदै गाडी हाँकेको आरोपमा पक्राउ परेकी महिलाको एक हात नभएको खुलेपछि आरोप फिर्ता
संयुक्त राज्य अमेरिकाको फ्लोरिडास्थित पामबीचमा एक महिलालाई कार चलाउँदै गर्दा दाहिने हातमा फोन समातेर गाडी हाँकेको आरोपमा एक प्रहरी अधिकृतले रोक्का गर्याे। क्याथ्लीन टोमसले आफ्नो दाहिने हात नभएको देखाए तापनि उनलाई ट्राफिक नियम उल्लङ्घन गरेको आरोपमा मुद्दा दर्ता गरिएको थियो। यो घटना फेब्रुअरीमा भएको थियो।
तर यस साता ती प्रहरी अधिकृतले क्याथ्लीनविरुद्ध दर्ता गरिएको आरोप खारेज गर्ने प्रक्रिया अघि बढाएका छन्। पामबीच काउन्टी शेरिफ कार्यालयले जानकारी दिंदै भनेका छन्, “अधिकृतले देखे अनुसार गाडी रोकेको थिए” तर थप जाँचपछि र नियम कुन तरिकाले उल्लङ्घन भयो भन्ने स्पष्ट नभएकाले मुद्दा फिर्ता लिने तयारी भइरहेको छ।
