सरकारले आर्थिक वर्ष २०८३/०८४ को बजेटमार्फत निजी अस्पतालका बिरामीहरूबाट तीन प्रतिशत ‘स्वास्थ्य समता शुल्क’ नामक कर असुल गर्ने घोषणा गरेको छ। अर्थमन्त्री डा. स्वर्णीम वाग्लेले संसदमा बजेट प्रस्तुत गर्दै निजी स्वास्थ्य संस्थाहरूले लिने सबै सेवा शुल्कमा यस कर लागू गरिने उल्लेख गर्नुभएको छ।
१५ जेठ, काठमाडौं। सरकारले निजी अस्पतालमा उपचार गराइरहेका बिरामीहरूबाट तीन प्रतिशत कर असुल गर्ने निर्णय गरेको छ। शुक्रबार संसदमा प्रस्तुत आर्थिक वर्ष २०८३/०८४ को बजेटमा स्वास्थ्य समता शुल्क अन्तर्गत तीन प्रतिशत कर लगाउने घोषणा गरिएको हो। अर्थमन्त्री डा. स्वर्णीम वाग्लेले बजेट व्यक्तव्यमा भनेका छन्, ‘निजी क्षेत्रबाट सञ्चालित स्वास्थ्य संस्था सञ्चालन गर्नेहरूले बिरामीबाट असुल हुने सबै प्रकारका सेवा शुल्कमा तीन प्रतिशत दरले स्वास्थ्य समता शुल्क लिनेछन्।’
