१७ जेठ, काठमाडौं । राष्ट्रिय सभाको बैठक निर्धारित समयमा सुरु हुन सकेन र बैठकमा ढिलाइ भएको छ। बिहान सवा ११ बजे बस्ने निर्णय भएको बैठक समयमै सुरु हुन पाएन। आज राष्ट्रिय सभाले दुई विधेयक पारित गर्ने कार्यसूची रहेको छ। प्रधानमन्त्री तथा गृहमन्त्री वालैन्द्र शाहले प्रतिनिधि सभाबाट सन्देशसहित प्राप्त ‘प्रतिनिधि सभा सदस्य निर्वाचन (पहिलो संशोधन) विधेयक, २०८३’ माथिको दफावार छलफल सदनमा गरियोस् भन्ने प्रस्ताव अघि बढाउने कार्यक्रम रहेको छ। अझ पछि आजै उक्त विधेयक पारित गर्ने प्रस्ताव पनि प्रस्तुत गरिने छ। त्यस्तै, प्रतिनिधि सभाबाट सन्देशसहित प्राप्त ‘मतदाता नामावली (पहिलो संशोधन) विधेयक २०८३’ पनि आजै पारित गर्ने कार्यसूचीमा छ। यी विधेयकमा गरिएको संशोधन सम्बन्धमा राष्ट्रिय सभामा रहेका दलहरुले सरकारसँग संवाद गरिरहेका छन्।
