बेल्जियमले न्युजिल्यान्डलाई ५-१ को ठूलो अन्तरले हराउँदै फिफा विश्वकप २०२६ को समूह विजेता बन्न सफल भएको छ। यस जितसँगै बेल्जियमले ५ अंक थप्दै नकआउट चरणमा पुगेको छ। क्यानडामा सम्पन्न खेलमा बेल्जियमका लिएन्ड्रो ट्रोसार्डले दुई गोल गरे भने केभिन डे ब्रुएना, रोमेलु लुकाकु र एलेक्सिस सेलेमेकर्सले एक-एक गोल थपे।
बेल्जियमले यसअघि दुई वटा खेल बराबरी खेलेको थियो र पहिलो जित प्राप्त गर्दै समूह शीर्ष स्थानमा पुगेको छ। खेलको २८औं मिनेटमा ट्रोसार्डले गोल गर्दै बेल्जियमलाई अग्रता दिलाए। ५०औं मिनेटमा उनले दोस्रो गोल गर्दै अग्रतालाई दोब्बर बनाए। ६६औं र ८६औं मिनेटमा क्रमशः डे ब्रुएना र लुकाकुले गोल गरे। इन्जुरी टाइमको चौथो मिनेटमा सेलेमेकर्सले पनि गोल थपे। न्युजिल्यान्डका लागि एलिजा जस्टले ८४औं मिनेटमा एक गोल फर्काए।
