१० चैत, काठमाडौं। इजरायली रक्षा मन्त्री इजरायल काट्जले आफ्नो सेनाले लेबनानको ठूलो भूभाग नियन्त्रणमा लिने घोषणा गरेका छन्। हिजबुल्लाहविरुद्ध अभियान सरल बनाउन इजरायली सेनाले लेबनानको ठूलो भू-भागमा कब्जा गर्ने योजना बनाएको उनले बताए। यस क्रममा, इजरायली सेनाले लेबनानको लिटानी नदीसम्म आफ्नो सुरक्षा क्षेत्र विस्तार गर्ने बताइएको छ, जुन इजरायलको सीमाबाट लगभग ३० किलोमिटर टाढा रहेको छ।
‘जबसम्म उत्तरी इजरायल सुरक्षित हुँदैन, तबसम्म विस्थापित नागरिकहरूले आफ्ना घरमा फर्कन पाउने छैनन्,’ काट्जले भने। साथै, उनले हिजबुल्लाहले आवतजावत र हतियार ओसारपसार गर्न प्रयोग गर्ने पाँचवटा पुलहरू पनि नष्ट गरिएको जानकारी दिए। इरान समर्थित प्रोक्सी समूहको रूपमा चिनिने लेबनानको हिजबुल्लाहसँग इजरायलको लामो समयदेखि तनाव छ। पछिल्लो समयमा हिजबुल्लाहले इरानमा रकेट आक्रमण गरेपछि इजरायलले यो नयाँ कदमचलाएका हुन्।
