नेपाल निर्वाचन २०८२: नयाँ संसदमा सन्कुचित विपक्षीको भूमिका कस्तो हुन्छ?

नेकपाका नेता पुनले संख्यामा कमजोर भए पनि अजेन्डामा कमजोर नभएको बताएका छन्।

कांग्रेसका केसीले भने, प्रजातन्त्र संरचनाभित्र काम गर्दा सरकारले सहयोग प्राप्त हुन्छ र त्यसै अपेक्षा गरेका छौँ। “प्रजातन्त्रको विकल्प खोज्नु परेमा संख्या मात्र होइन, जनता पनि महत्वपूर्ण हुन्छन्,” उनले भने।

आगामी समयमा सत्ताधारी दलमा कुनै टुटफुट नआओस् भन्ने उनीहरूले कामना पनि गरेका छन्।

“हामी परम्परागत भनाइमा सरकार जे गरे पनि विपक्षीले विरोध गर्नैपर्छ भन्ने सोच राख्दैनौँ। गुण–दोषको आधारमा अघि बढ्छौं।”

एमाले नेतृ अर्यालले आफ्नो दल इमानदार र जवाफदेहितापूर्ण तरिकाले देश र जनताको हितमा लागीरहने बताए।

विगतका तुलनामा संख्यामा निकै घटेका विपक्षी दलहरूले प्रजातन्त्रमा अपेक्षित भूमिका निभाउन कुनै कमी नराख्ने बताएका छन्।

“नेपाली जनताले नयाँ शक्तिलाई रोजेका छन्, हामीले त्यसलाई स्वीकार गरेका छौँ। उनीहरूले जनताको अपेक्षाअनुसार काम नगरे हामी जनताका तर्फबाट खबरदारी गर्नेछौँ,” पुनले भने।

“रोजगारी सिर्जना, सुशासन, आर्थिक वृद्धि र सन्तुलित अन्तर्राष्ट्रिय सम्बन्धका अपेक्षाहरू छन्। जे भए पनि काम हुन सकेन भने खबरदारी गर्नैपर्छ।”

नेकपा एमाले नेतृ पद्मा अर्यालले सरकार ‘गलत ट्र्याक’ समात्दा ‘सही ट्र्याक’मा ल्याउने भूमिका निर्वाह गर्ने बताइन्।

“विकास र समृद्धि हाम्रो चाहना र अजेन्डा हो। जनताको यी चाहनालाई सम्बोधन गर्दै समानताका आधारमा निर्माणमा जुट्ने सरकारलाई सतर्क तुल्याउनेछौँ,” उनले भनिन्।

फागुन २१ गतेको निर्वाचनबाट गठन भएको प्रतिनिधिसभाको छिट्टै अधिवेशन डाकिने अपेक्षा गरिएको छ।

निर्वाचन आयोग यसै हप्तामै निर्वाचन नतिजाको औपचारिक प्रतिवेदन राष्ट्रपतिलाई बुझाउनेछ। त्यसपछि नयाँ सरकार गठन र संसद्को बैठक आह्वान गरिनेछ, जसमा सत्तापक्ष र प्रतिपक्षले निर्वाह गर्ने भूमिकाहरू स्पष्ट बन्दै जानेछन्।