नेपाल राष्ट्र बैङ्कले साना तथा मझौला उद्योगका कर्जामा जोखिम भार ६० प्रतिशत कायम गरेको छ। सरकारले ३ करोड रुपैयाँसम्मका कर्जाको जोखिम भार घटाउने निर्देशन दिएको हो। निक्षेप तथा कर्जा ग्यारेन्टी फन्ड वा जग्गा र घरले पूर्ण रूपमा धारण गरेका कर्जाहरूमा जोखिम भार ६० प्रतिशतमा कायम रहनेछ। २२ चैत, काठमाडौं।
नेपाल राष्ट्र बैङ्कले तीन करोडसम्मका कर्जाको जोखिम भार घटाएको घोषणा गरेको छ। सरकारको निर्देशन अनुसार केन्द्रीय बैङ्कले साना तथा मझौला उद्योगका कर्जामा जोखिम भार ६० प्रतिशतमा झारेको हो। सरकारले शासकीय स्वरूपको बुदँ ५७ अनुसार साना तथा मझौला उद्योग, कृषि तथा सूचना प्रविधि क्षेत्रका ऋण प्रवाहमा जोखिम भार घटाएर उपयुक्त तहमा झार्ने व्यवस्था मिलाएको छ। यसका लागि सरकारले केन्द्रीय बैङ्कलाई ३० दिनको समयावधि दिएको थियो।
केन्द्रीय बैङ्कका अनुसार साना तथा मझौला, कृषि, आईटी तथा उत्पादनमूलक उद्योगलाई कर्जा दिँदा जोखिम भार ६० प्रतिशत कायम गरिएको छ। यसका लागि निक्षेप तथा कर्जा ग्यारेन्टी फन्ड वा जग्गा तथा घरले पूर्ण रूपमा धारण गरेका कर्जाहरूको जोखिम भार ६० प्रतिशतमा झरेको छ। यस्ता कर्जाहरू आयोजनाले बीमित गर्नुपर्नेछ र घरजग्गाको हकमा बजार मूल्य र ऋणबीचको अन्तर २५ प्रतिशत कायम भएको कर्जामात्र लागू हुनेछ। यसअघि यस्तो कर्जाको जोखिम भार जोखिम र सुरक्षाका आधारमा निर्धारण हुँदै आएको थियो।
