प्रतिनिधिसभा र राष्ट्रिय सभाको बैठक आज हुने

२५ चैत, काठमाडौं । संघीय संसदका दुवै सदनको बैठक आज बस्दैछ। कार्यतालिका अनुसार, प्रतिनिधिसभाको बैठक आज अपराह्न १ बजे सिंहदरबारमा सुरु हुने छ। आजको बैठकमा प्रधानमन्त्री बालेन्द्र शाह (बालेन) ले ‘राष्ट्रिय प्राकृतिक स्रोत तथा वित्त आयोगको सातौँ वार्षिक प्रतिवेदन, २०८२’ प्रस्तुत गर्ने अपेक्षा गरिएको छ। यस्तै, अर्थमन्त्री डा. स्वर्णिम वाग्लेले ‘वैकल्पिक विकास वित्त परिचालन विधेयक, २०८२’ प्रस्तुति गर्नेछन्। यस अघि सो विधेयक पेश गर्न अनुमति लिन प्रस्ताव पेश गर्ने कार्यक्रम पनि तय गरिएको छ। सभामुखले राष्ट्रपतिको कार्यालयबाट प्राप्त मन्त्रिपरिषद्को मर्यादाक्रम हेरफेर सम्बन्धी पत्र वाचन गर्ने कार्यक्रम पनि छ। त्यस्तै, राष्ट्रिय सभाको बैठक आज अपराह्न १ः१५ बजे बस्नेछ। राष्ट्रिय सभाको बैठकमा प्रधानमन्त्री बालेन्द्र शाहले ‘अख्तियार दुरुपयोग अनुसन्धान आयोगको आर्थिक वर्ष २०८१/८२ को वार्षिक प्रतिवेदन सभा समक्ष प्रस्तुत गर्ने कार्यक्रम रहेको छ।