काठमाडौंको चन्द्रागिरि नगरपालिका-८ झम्सिखेल सडकमा एक व्यक्तिमाथि हातपात गर्ने चार जनालाई प्रहरीले पक्राउ गरेको छ। पक्राउ परेकाहरुमा ३० वर्षका राजीव पन्त, २६ वर्षका रोहन पन्त, ३१ वर्षका विनोद पन्त र ३४ वर्षका अस्मित सिटौला रहेका छन्। उनीहरूमाथि जिल्ला प्रशासन कार्यालय काठमाडौंबाट अभद्र व्यवहार नगर्न निर्देशन गरी पाँच दिनको म्यादसहित अनुसन्धान जारी छ। २५ चैत, काठमाडौं।
सामाजिक सञ्जालमा भाइरल बनेको कुटपिटको भिडियोमा देखिएका चार युवाहरूलाई प्रहरीले नियन्त्रणमा लिएको हो। सोही भिडियोको आधारमा उनीहरुको पहिचान गरेर पक्राउ गरिएको प्रहरी स्रोतले जनाएको छ। उक्त घटना मंगलबार दिउँसो पौने २ बजे झम्सिखेल क्षेत्रमै भएको थियो। सबै पक्राउ परेकाहरु चन्द्रागिरि–८ का स्थानीय हुन्। अनुसन्धानको क्रममा उनीहरुबाट थप विवरण संकलन गरिँदैछ।
सम्बन्धित खबर
