प्रदीप अधिकारीले सुशील कार्की सरकारलाई विस्थापित गरी खुदै पर्यटन मन्त्री बन्ने योजना तयार पारेका छन्

समाचार सारांश प्रदीप अधिकारीले सुशील कार्की नेतृत्वको सरकारलाई विस्थापित गरेर नयाँ सरकार गठन गर्ने योजना तयार पारेको प्राविधिक अनुसन्धानबाट पत्ता लागेको छ। अधिकारीले अफ्रिकामा दर्ता भएका दुईवटा विमान त्रिभुवन अन्तर्राष्ट्रिय विमानस्थलमा टेक्निकल ल्याण्डिङ गराएर १ लाख अमेरिकी डलर आर्जन गर्ने योजना बनाएको ह्वाट्स एप कुराकानीबाट खुलेको छ। प्रदीप अधिकारीले ९९ करोड रुपैयाँको कारोबार गैरबैंकिङ च्यानल मार्फत गर्ने योजना बनाएका थिए तर आफूले सरकारी कारोबार भएको दाबी गरेका छन्। २५ चैत, काठमाडौं। नागरिक उड्डयन प्राधिकरण (क्यान) का महानिर्देशक (हाल निलम्बित र कारागारमा राखिएका) प्रदीप अधिकारीले सुशील कार्की नेतृत्वको अन्तरिम सरकारलाई ढालेर अर्को सरकार गठन गर्ने योजना राखेको संवाद प्राविधिक अनुसन्धानबाट फेला परेको छ। कार्की सरकारले काम नगरेको कारण नयाँ सरकार बनाउन दुबई पुगेका अधिकारीले ह्वाट्स एप संवादमा यस्तो योजना रहेको बताएका छन्।

सम्पत्ति शुद्धीकरण, ज्यान मार्ने उद्योग र संगठित अपराधमा अनुसन्धान भइरहेकाले अधिकारीले कार्की नेतृत्वको सरकारपछि गठन हुने नयाँ सरकारमा आफैं पर्यटन मन्त्री बन्ने कुरा पनि उल्लेख गरेका छन्। यो कुरा क्यानकै कर्मचारी चाँदमाला श्रेष्ठसँग १६ नोभेम्बरमा गरेको ह्वाट्स एप कुराकानीबाट प्रमाणित हुन्छ। उक्त कुराकानीमा भनिएको छ, ‘यो हप्ता हाम्रो प्रधानमन्त्री आउने, अहिलेको प्रधानमन्त्री हट्ने, क्यानको डीजीले सरकार फाल्ने कुरा सत्य हो, त्यसैले दुबई आएको छु, लुक्ला कुरा पनि सत्य हो।’ अख्तियार दुरुपयोग अनुसन्धान आयोगले अधिकारीमाथि भ्रष्टाचारको अनुसन्धान गर्दै आएको थियो। तर अख्तियारलाई प्रभावमा पारेर मुद्दा सुमसुम पार्ने अवस्था नदेखिँदा अधिकारी सरकारलाई नै प्रतिस्थापन गर्ने योजनामा लागेको कुराकानीले स्पष्ट पारेको छ।

अधिकारीले अख्तियारको मुद्दा सुमसुम पार्न बिचौलिया प्रयोग गर्ने, नभए धम्की दिने, तान्त्रिक व्यवहार गर्ने लगायतका गतिविधिहरू गरेको प्राविधिक अनुसन्धानले देखाएको छ। जहाज टेक्निकल ल्याण्डिङ गराउने विषयमा कुराकानी भएको तथ्य पनि फेला परेको छ। अमेरिकामा बस्ने उनका साथी अर्जुनकुमार खड्कासँग २०७५ साल असोज ५ गते ह्वाट्स एपमा अफ्रिकामा दर्ता भएका दुई विमानलाई त्रिभुवन अन्तर्राष्ट्रिय विमानस्थलमा टेक्निकल ल्याण्डिङ गराउने विषयमा छलफल भएको छ। त्यसपछि १ लाख अमेरिकी डलर लिने विषयमा पनि कुराकानी भएको रहस्य खुलेको छ। प्रदीप अधिकारीले ३०-४० वटा भारी सुटकेस जेनुले बोकेको जानकारी दिएका छन्। डीएफएल रिपोर्ट अनुसार २०७५ साल भदौ २३ गते अधिकारी र उनकी पत्नी सुफल केसीबीच ह्वाट्स एपमा संवाद भएको छ जहाँ उनले सुटकेस जेनुले लगाएको बताएका थिए।

अधिकारीले आफ्नो बयानमा भनेका छन्, ‘जेनजीलाको आन्दोलनपछि मलाई दुई पटक हत्या गर्ने, आक्रमण गर्ने र घर बलाउने धम्की आयो। सुरक्षाका लागि महत्वपूर्ण कागजातहरू श्रीमतीलाई गरगहना बनाएर जेनुलाई दिएँ।’ धम्की पाए पनि उजुरी नगरिएको र ३०-४० हजार रकम बोकेको सुटकेस अरूलाई दिने तर्क अनुसन्धानमा कमजोर देखिएको छ। साथै जेनुलाई मोबाइल नम्बर परिवर्तन गराउन लगाएको पाइएको छ, जसले अधिकारीको आर्थिक अनियमितता बुझ्न मद्दत गरेको छ। सातदोबाटोस्थित कार्यालय बाहेक अर्को अपार्टमेन्टमा लुक्ने तयारी गरेको अधिकारीको समाचार छ। रिनोभेसन शीघ्र सम्पन्न गर्न दबाब दिएको पनि देखिएको छ। अधिकारी र जेनूबीचको संवादमा लेखिएको छ, ‘अपार्टमेन्ट ढिलो भयो, काम सुरु भइसकेन। सबै तयारी अवस्थामा राख्ने। कहिले कहाँ जानुपर्नेछ।’ यसलाई प्रहरीले भाग्ने र प्रमाण लुकाउने प्रयासको रुपमा विश्लेषण गरेको छ। अधिकारीले भने आफ्नो बयानमा आक्रमणका कारण स्थान परिवर्तन गरेको बताएका छन्। अर्कोतर्फ, देशको अवस्था सामान्य नरहेको, अहिलेको सरकार फालेर नयाँ प्रधानमन्त्री आउने र सो अवधिसम्म अपार्टमेन्टमा बस्ने योजना रहेको कुराकानीमा उल्लेख छ।

९९ करोड रुपैयाँको कारोबार सम्बन्धी प्रदीप अधिकारीको ह्वाट्स एपमा कुरा पनि फेला परेको छ। उनलाई क्यानकी कर्मचारी चाँदमाला श्रेष्ठसँग २०७५ साल भदौ २६ गते यस्तो संवाद भएको छ: ‘एक्सक्रो अकाउन्टिङ पैसा हालिदिन्छु, २५ तारिख डेटलाइन छ, तर २–३ दिन विदा छ, आज हाल्दिनु भनेको छु, ९९ करोड।’ यस संवादबाट गैरबैंकिङ च्यानल मार्फत वित्तीय कारोबार गर्ने प्रयास प्रष्ट देखिन्छ, तर अधिकारीले भने यो सरकारी कारोबार भएको र नेपाल सरकार, चीनको एक्जिम बैंक र क्यानबीचको सम्झौताअनुसार पोखरा विमानस्थलको ऋण र ब्याज भुक्तानीसम्बन्धी रहेको बताएका छन्।