नेपाल ‘ए’ क्रिकेट टोलीले ओमान, स्कटल्यान्ड र अमेरिकासँग दुई–दुई एकदिवसीय अन्तर्राष्ट्रिय खेल खेल्ने योजना तय गरेको छ। नेपाल क्रिकेट संघले मुलपानी क्रिकेट मैदानमा आयोजना गरिने ती खेलहरूको तालिका सार्वजनिक गरेको छ। नेपाल ‘ए’ टोली अप्रिल २२ र २४ मा ओमानसँग, मे ६ र ९ मा स्कटल्यान्डसँग, र मे ७ र ११ मा अमेरिकासँग प्रतिस्पर्धा गर्ने छ। २६ चैत, काठमाडौं। नेपाल ‘ए’ क्रिकेट टोलीले ओमान, स्कटल्यान्ड र अमेरिका विरुद्ध एकदिवसीय खेलहरू आयोजना गर्न लागेको छ। नेपालको क्रिकेट लिग २ को आगामी दुई सिरीजहरूमा नेपाल ‘ए’ टोली पनि प्रतिस्पर्धा गर्न लागेको छ। नेपाल क्रिकेट संघ (क्यान) ले मुलपानी क्रिकेट मैदानमा हुने ती खेलहरूको तालिका सार्वजनिक गरेको छ। तालिकाअनुसार नेपाल ‘ए’ टोलीले प्रत्येक टोलीसँग दुई–दुई खेल खेल्ने छ। पहिलो दुई खेलहरू अप्रिल २२ र २४ मा ओमानसँग खेलिने छन् भने मे ६ र ९ मा स्कटल्यान्ड र मे ७ तथा ११ मा अमेरिकासँग खेल हुनेछ। नेपाल ‘ए’ ले पछिल्लो पटक भारतमा गएर आसामसँग टी-२० श्रृंखला खेलेको थियो। यस पटकको श्रृंखलाका लागि खेलाडीहरूको घोषणा भने अझै हुन बाँकी छ। लिग २ अन्तर्गत नेपालको मुख्य पुरुष राष्ट्रिय क्रिकेट टोलीले अप्रिल २५ देखि मे ५ सम्म ओमान र युएईसँग खेल्नेछ भने मे १२ देखि २२ सम्म स्कटल्यान्ड र अमेरिकासँग प्रतिस्पर्धा गर्नेछ।
सम्बन्धित खबर
