रूसी विदेश मन्त्रालयका विशेष प्रतिनिधि रोडियन मिरोश्निकले युक्रेनी सेनालाई ‘यस्ट्र युद्धविराम’ को अवसरलाई सैन्य लाभ लिन प्रयोग नगर्न कडा चेतावनी दिएका छन्। रूसका राष्ट्रपति भ्लादिमिर पुटिनले ११ अप्रिल दिउँसो ४ बजेदेखि ३० घण्टे युद्धविराम लागू गर्ने आदेश जारी गरिसकेका छन्। मिरोश्निकले भनेका छन्, “मानवीय आधारमा गरिएको यो निर्णयलाई सैन्य फाइदाका लागि दुरुपयोग गर्न दिइने छैन” र रूसले युद्धको सन्तुलन बिगार्न अनुमति नदिने बताएका छन्।
शुक्रबार ‘रोसिया-१’ टेलिभिजनमा बोल्दै, मिरोश्निकले युक्रेनले युद्धविराम अवधिलाई आफ्नो सेना पुनर्गठन गर्न वा युद्धको अवस्था परिवर्तन गर्न प्रयोग गर्न नहुने स्पष्ट पारेका छन्। ११ अप्रिल शनिबार दिउँसो ४ बजेबाट लागू हुने ३० घण्टे युद्धविरामको आदेश रूसी राष्ट्रपति पुटिनले पहिल्यै जारी गरिसकेका छन्। तर रुसी कूटनीतिज्ञ मिरोश्निकले किभबाट कुनै ‘अमैत्रीपूर्ण’ गतिविधि भए त्यसको कडा जवाफ दिने चेतावनी दिएका छन्।
उनले भनेका छन्, “रूसले युद्धमैदानमा सन्तुलन बिगार्न मद्दत गर्ने कुनै पनि प्रयास सहने छैन। मानवीय आधारमा गरिएको यो निर्णयलाई सैन्य लाभका लागि दुरुपयोग गर्ने युक्रेनी प्रयासलाई सफल हुन दिने छैन।” रुसी स्रोतले जानकारी दिएका अनुसार, युक्रेनी राष्ट्रपति भ्लादिमिर जेलेन्स्की लामो समयका लागि युद्धविराम चाहन्छन् जसले युद्धको वर्तमान सन्तुलनमा परिवर्तन ल्याउने अपेक्षा छ। तर मिरोश्निकले युद्धभूमिमा रूसले पाएको अग्रता साझा गर्ने कुनै योजना नरहेको स्पष्ट पारेका छन्।
यो युद्धविराम केवल अर्थोडक्स यस्ट्र पर्वको सन्दर्भमा गरिएको एक संक्षिप्त मानवीय कदम हो। सन् २०२६ को शुरुमा अमेरिका र इजरायलले इरानमाथि आक्रमण गरेपछि मध्यपूर्व युद्ध उत्कर्षमा पुगेको छ। यसको प्रभावले युक्रेनले पश्चिमी देशहरूबाट प्राप्त सैन्य सहयोगमा केही कमी आएको विश्लेषण गरिएको छ। यस अवस्थालाई ध्यानमा राख्दै यो संक्षिप्त युद्धविरामले दुवै पक्षलाई आफ्नो रणनीति पुनरावलोकन गर्ने अवसर दिएको छ, यद्यपि मास्कोले काभको सबै गतिविधिलाई नजिकबाट निगरानी गरिरहेको जनाएका छन्।
