२८ चैत, काठमाडौं। हाल देशमा पश्चिमी वायु र स्थानीय वायुको आंशिक प्रभाव रहेको छ। यस प्रभावका कारण कोशी, बागमती र गण्डकी प्रदेशका पहाडी तथा हिमाली भू–भागसहित देशका अधिकांश हिमाली क्षेत्रमा सामान्यतया बादल लागेको छ भने अन्य पहाडी क्षेत्रमा आंशिक बदली र तराई क्षेत्रमा मुख्यतया मौसम सफा रहेको छ। जल तथा मौसम पूर्वानुमान महाशाखाले दिएको विवरणअनुसार आज दिउँसो कोशी प्रदेशका पहाडी तथा हिमाली क्षेत्रसहित देशका हिमाली क्षेत्रमा सामान्यतया बदली रहनेछ भने पहाडी र कोशी प्रदेशका तराई क्षेत्रमा आंशिक बदली रहनेछ।
कोशी, गण्डकी, कर्णाली र सुदूरपश्चिम प्रदेशका हिमाली क्षेत्रमा केही स्थानमा मेघगर्जन र चट्याङसहित हल्का वर्षा वा हिमपात हुने सम्भावना छ। लुम्बिनी र सुदूरपश्चिम प्रदेशका तराईका केही क्षेत्रमा हुरी चल्ने पूर्वानुमान गरिएको छ। त्यसैगरी, आज राति देशका हिमाली भू–भागहरूमा सामान्यतया बदली रहनेछ, पहाडी क्षेत्रमा आंशिक बदली र तराईमा मुख्यतया मौसम सफा रहनेछ। कोशी, गण्डकी र कर्णाली प्रदेशका हिमाली भागका केही र कोशी तथा गण्डकी प्रदेशका पहाडी क्षेत्रका एक-दुई साइटमा मेघगर्जन, चट्याङसहित हल्का वर्षा वा हिमपात हुने सम्भावना छ। वर्षा तथा हिमपातको सम्भावना भएका क्षेत्रका सर्वसाधारण र ती क्षेत्रका यातायात सञ्चालन गर्नेहरूलाई सतर्क रहन महाशाखाले अनुरोध गरेको छ।
