प्राइम सीएले आफ्नो २२औं वार्षिकोत्सव सन् २०२५ मा सफलतापूर्वक चार्टर्ड एकाउन्टेन्ट बन्न पुगेका विद्यार्थीहरूलाई सम्मान गर्दै मनाएको छ। अध्यक्ष नवराज बुर्लाकोटीले २२ वर्षे यात्रामा १२ सयभन्दा बढी विद्यार्थीहरू सीए बन्न सफल भएका र १८७ जनामा १०४ जना प्राइमका विद्यार्थी रहेको जानकारी दिनुभयो।
३० चैत, काठमाडौंमा सम्पन्न कार्यक्रममा प्राइम सीएमा अध्ययन गरी सन् २०२५ मा सीए बन्न सफल विद्यार्थी, र्याङ्कहोल्डर विद्यार्थीहरू, अन्य कलेजका प्राचार्यहरू र बोर्डका विशिष्ट सदस्यहरू उपस्थित थिए। अध्यक्ष नवराज बुर्लाकोटीले विद्यार्थीहरूको कडा परिश्रम, अभिभावकहरूको साथ र दक्ष शिक्षक समूहको योगदानले उत्कृष्ट नतिजा सुनिश्चित गरेको बताए।
कार्यक्रमको मुख्य आकर्षणका रूपमा प्राइम सीएमा अध्ययन गरी सन् २०२५ मा सीए उत्तीर्ण भएका विद्यार्थी र विभिन्न तहमा र्याङ्कधारी बन्न सफल विद्यार्थीहरूलाई विशेष सम्मान गरियो। सम्मानित विद्यार्थीहरूले प्राइम सीएको उच्यस्तरीय शैक्षिक वातावरण र गुणस्तरीय अध्ययन सामग्रीले लक्ष हासिल गर्न सजिलो बनाएको अनुभव व्यक्त गरे।
संस्थाले दीर्घकालीन योजनाअनुरूप नयाँ बानेश्वर र ग्वार्को क्षेत्रमा अन्तर्राष्ट्रियस्तरको भवन निर्माण गरिरहेको पनि उल्लेख गरिएको छ।
