संयुक्त राज्य अमेरिकाका राष्ट्रपति डोनल्ड ट्रम्पले आफ्नो ‘ट्रूथ सोशल’ प्लेटफर्ममा जीजस क्राइस्टजस्तो देखिने तस्बिर पोस्ट गरेपछि तीव्र आलोचना भोग्नु परेको छ। एआई प्रविधिद्वारा सिर्जना गरिएको उक्त तस्बिरमा ट्रम्प अस्पतालको शय्यामा विरामीको रूपमा उपचार गराइरहेका देखिएका छन्।
ट्रम्पले पोप लिओ चौधौँको कडा आलोचना गर्दै लामो पोस्ट प्रकाशित गरेपछि केही घण्टाभित्रै ‘ट्रूथ सोशल’ मा जीजसजस्तो देखिने आफ्नो तस्बिर पोस्ट गरेका थिए। पछि उनले आफू चिकित्सकको पोशाकमा देखिन खोजेको दाबी गरेका छन्। बिबिसीकी पत्रकार सेरा स्मिथले यस भिडिओमा ट्रम्प र पोपबीचको विवाद र यस घटनामा ट्रम्पका समर्थकहरूले लिएका धारणा सम्बन्धी जानकारी प्रस्तुत गरेकी छन्।
