अभिनेता अनमोल केसी २०८२ सालको सफलता प्राप्त फिल्म ‘जेरी अन टप’ को दोस्रो भागमा अभिनय गर्न पक्का भएका छन्। बुधबार बिहान अनमोल र निर्माताबीच ‘जेरी : द लास्ट क्लाइम्ब’ शीर्षकमा लिखित सम्झौता सम्पन्न भएको छ। यस फिल्मको पटकथा ब्रजेश खनालले तयार गर्दैछन् भने अन्य कलाकारहरु अझै निश्चित भएका छैनन्।
काठमाडौंमा भएको सम्झौतापछि स्रोतका अनुसार, अनमोलमात्रै फाइनल भएका छन्। आँचल शर्मा र जसिता गुरुङको सहभागिता भने अझै तय भएको छैन। स्रोतले बताएअनुसार, “यो फिल्ममा अहिलेसम्म केवल अनमोललाई मात्र फाइनल गरिएको छ। अन्य कलाकारहरुसँगको कुरा भने पुष्टि भइसकेको छैन।” निर्देशनको जिम्मा सुयोग गुरुङले सम्हाल्नेछन्।
ब्रजेश खनालले सामाजिक सञ्जालमार्फत ‘काकु र भतिजाको नयाँ सहकार्य’ भन्दै फोटो समेत सेयर गरेका छन्। उनले लेखेका छन्, “काकु र भतिजाको फेरि एउटा नयाँ सिनेमाको लागि सहकार्य हुँदैछ।” नयाँ वर्षमा सुरु भएको यो चलचित्रले सफलताको नयाँ मापदण्ड स्थापित गर्ने अपेक्षा गरिएको छ। पटकथा लेखन अर्को दुई-तीन महिनाभित्र पुरा गरिने बताइएको छ। अनमोल हाल ‘बाटुलो जून’ फिल्ममा व्यस्त छन्।
२२ बैशाखमा उक्त फिल्मको छायांकन समाप्त भएपछि सम्भवतः उनी ‘ए मेरो हजुर’ को नयाँ सिक्वेलमा लाग्नेछन्। त्यसपछि ‘जेरी’ को नयाँ श्रृंखला निर्माणको प्रक्रिया अघि बढ्ने बुझिएको छ। ‘जेरी अन टप’ अनमोलको करियरमा सबैभन्दा धेरै कमाउने फिल्म रहेको छ।
