कांग्रेसलाई पूर्ण रूपमा ‘डिजिटलाइज’ गरिनेछ, पहिलेका अभिलेखहरू हटाइँदैनन् : महामन्त्री पौडेल

२ वैशाख, काठमाडौं । नेपाली कांग्रेसका महामन्त्री प्रदीप पौडेलले पार्टीलाई आधुनिक र प्रविधिमैत्री बनाउँदै सदस्यता प्रणालीलाई पूर्ण रूपमा डिजिटलाइज गर्ने योजना अघि बढाइरहेको बताएका छन्। बुधबार पार्टी केन्द्रीय कार्यालयमा सञ्चारकर्मीहरूसँग कुरा गर्दै उनले पार्टी सदस्यहरूको क्षमता पहिचान गर्ने र उनीहरूलाई उचित जिम्मेवारी प्रदान गर्ने उद्देश्यले डिजिटल नवीकरणको प्रक्रिया अघि बढाइएको बताए। महामन्त्री पौडेलले सो प्रक्रियाले कुनै पनि सदस्य कुन जिम्मेवारीमा छन् भन्ने कुरा स्पष्ट रूपमा थाहा पाउन मद्दत पुग्ने उल्लेख गरे। साथै, उनले पार्टीका पुराना अभिलेखहरू हटाइने छैनन् भनी पनि स्पष्ट पारे।