१७ वैशाख, काठमाडौं । अमेरिकी राष्ट्रपति डोनाल्ड ट्रम्पले रुसका राष्ट्रपति भ्लादिमिर पुटिनसँग युक्रेन र इरान युद्धसम्बन्धी छलफल गरेको बताएका छन्। रुसका राष्ट्रपति पुटिनले इरान युद्ध अन्त्य गर्न सहयोग गर्ने इच्छा व्यक्त गरेका छन्, उनले बताए। ‘हामीले युक्रेन युद्धबारे गहिरो वार्ता गरेका छौं, उहाँ सहयोग गर्न इच्छुक हुनुहुन्छ’, पत्रकार सम्मेलनमा ट्रम्पले भने, ‘तर मैले उहाँलाई भनेँ, म तपाईंलाई सहयोग दिनुअगाडि तपाईंले युद्ध रोक्नुपर्नेछ।’ अर्को प्रश्नको उत्तरमा अमेरिकी राष्ट्रपतिले पुटिनले इरानमा ‘युरेनियम समृद्धि (एनरिचमेन्ट)’ प्रक्रियामा सहभागी हुन चाहेको खबर गराए। ‘युरेनियम समृद्धि’ भनेको प्राकृतिक युरेनियममा रहेको उपयोगी अंशको प्रतिशत बढाउने प्रक्रिया हो।
