पाँचौं ग्रामीण चलचित्र महोत्सव सर्लाहीमा तीन दिनसम्म चलेर १७ फिल्म प्रदर्शन गरी सम्पन्न भएको छ। मधेश प्रदेशका कथा र पर्यटनलाई मुख्य विषय बनाएर विभिन्न संवाद कार्यक्रमहरू आयोजना गरिएको थियो। कार्यक्रममा उत्कृष्ट कलाकार र स्रष्टालाई पुरस्कार वितरण गरिएको साथै नाढीमन ताल विषयक पुस्तक विमोचन गरिएको थियो।
काठमाडौँ। पाँचौं संस्करणको ग्रामीण चलचित्र महोत्सव सर्लाहीमा सफलतापूर्वक सम्पन्न भएको छ। महोत्सवले तीन दिनसम्म १७ फिल्महरू प्रदर्शन गर्यो। कार्यक्रममा विभिन्न जातजातिका पारम्परिक पहिरन सहितको झाँकी पनि प्रस्तुत गरिएको थियो। मधेश प्रदेशका कथा र पर्यटनलाई केन्द्रमा राखेर विभिन्न संवाद कार्यक्रमहरू पनि आयोजित थिए। आयोजक संस्था सेलिब्रेटी नेपालका अध्यक्ष रघुनाथ सापकोटाको अध्यक्षतामा भएको कार्यक्रममा चलचित्र विकास बोर्डका अध्यक्ष दिनेश डीसी प्रमुख अतिथिका रूपमा उपस्थित थिए।
कार्यक्रममा चन्द्रनगर गाउँपालिकाका अध्यक्ष राजकुमार महतोले यस्ता कार्यक्रमहरू नियमितरूपमा आयोजना हुनुपर्नेमा जोड दिँदै सर्लाहीमा महोत्सव सञ्चालनले स्थानीय क्षेत्रको प्रचार-प्रसारमा महत्वपूर्ण योगदान पुगेको बताए। चन्द्रनगर गाउँपालिकाको नाढीतालमा आयोजना गरिएको कार्यक्रममा विभिन्न विधामा उत्कृष्ट कलाकार तथा स्रष्टालाई पुरस्कार वितरण गरिएको साथै नाढीमन ताल विषयक पुस्तक विमोचन गरिएको थियो।
महोत्सवका विजेताहरू: उत्कृष्ट फिल्म- मोहर, उत्कृष्ट निर्देशक- ओम प्रतीक गुरुङ (मोहर), उत्कृष्ट अभिनेता- नाजीर हुसेन (गुन्युचोलो), उत्कृष्ट अभिनेत्री- सुरक्षा पन्त (कोशेढुंगा), उत्कृष्ट पटकथा- समुन्द्र भट्ट/नाजीर हुसेन (गुन्युचोलो), जुरी पुरस्कार- निर्देशक मिलन तामाङ (माइतीघर), प्रोत्साहन पुरस्कार- मन्जिलकुमार (कोशेढुंगा), उत्कृष्ट सम्पादक- नहकुल खड्का (कोशेढुंगा), उत्कृष्ट छायाँकार- बाबु श्रेष्ठ (कोशेढुंगा), उत्कृष्ट आदिवासी फिल्म- नाक्छोङ, उत्कृष्ट छोटो फिल्म- नीलो आकाश।
