२१ वैशाख, काठमाडौं । सर्वोच्च अदालतले व्यवसायी शेखर गोल्छालाई धरौटी वा जमानतमा छाड्न आदेश जारी गरेको छ। शेखर गोल्छाकी पत्नी सीमा गोल्छाले दायर गरेको बन्दीप्रत्यक्षीकरणको निवेदनमा सुनुवाइ गर्दै अदालतले उनलाई धरौटी वा जमानतमा छाड्न नसकेमा मात्रै थुनामा राख्न निर्देशन दिएको हो।
न्यायाधीश महेश शर्मा पौडेल र श्रीकान्त पौडेलको इजलासले उनलाई धरौटी वा जमानतमा छाड्न सकिने अवस्था हुँदा अनुसन्धान अधिकारीले थुनामा राख्न अनुमति लिएर प्रक्रिया अवैध भएको ठहर गर्दै यो कार्य खारेज गरेको हो। उनी गत ११ वैशाखमा पक्राउ परेका थिए। नेपाल धितोपत्र बोर्डको छानबिन प्रतिवेदनलाई आधार बनाएर थप अनुसन्धानका लागि नेपाल प्रहरीले केन्द्रीय अनुसन्धान ब्यूरोले उनलाई पक्राउ गरेको थियो।
