इरानले अमेरिकामाथि युद्धविराम उल्लंघनको आरोप लगाउँदै सैन्य आक्रमणसहित जवाफ दिएको छ
इरानले स्ट्रेट अफ होर्मुजमा अमेरिकी जहाजमाथि भएको आक्रमणको प्रत्युत्तरस्वरूप आफ्नो सेना परिचालित स्थलमा बमबारी गरेको छ। इरानले अमेरिकामाथि युद्धविराम उल्लंघन गरेको आरोप लगाउँदै आफ्ना तेल ट्यांकरमाथि भएका आक्रमणको जवाफ दिएको दाबी गरेको छ। अमेरिकी राष्ट्रपति डोनाल्ड ट्रम्पले इरानसँग वार्ता जारी रहेको र युद्धविराम अझै स्थापित रहेको बताएका छन्। २५ वैशाख, काठमाडौं। अमेरिकाले इरानका सैन्य ठेगाना पुनः बमबारी गरेको छ। यो कदम स्ट्रेट अफ होर्मुजमा अमेरिकी जहाजमाथि इरानी आक्रमणको प्रतिकार स्वरूप लिनु परेकाले भएको हो। इरानले भने एक इरानी तेल ट्यांकरमाथि भएको पहिल्यैको आक्रमणको प्रत्युत्तरमा मिसाइल प्रहार गरेको दाबी गरिरहेको छ। अमेरिकी सेन्ट्रल कमाण्डका अनुसार, ओमानको खाडी तर्फ अमेरिकी नौसेनाको टोली अघि बढिरहेको अवस्थामा इरानले आक्रमण गरेपछि आत्मरक्षा उद्देश्यले जवाफी कारबाही गरेको छ। सेन्ट्रल कमाण्डको वक्तव्यमा भनिएको छ कि अमेरिकी जहाजहरू उक्त क्षेत्रमा गुज्रँदै गर्दा इरानी सैन्य बलले मिसाइल, ड्रोन र साना डुंगा प्रयोग गरेर आक्रमण गरेका थिए।
इरानको उच्च सैन्य नेतृत्वले अमेरिकामाथि युद्धविराम उल्लंघन गरेको गम्भीर आरोप लगाएको छ। इरानी सरकारी प्रसारण संस्था आईआरआईबीले जारी गरेको वक्तव्यमा उल्लेख भएको छ कि अमेरिकाले स्ट्रेट अफ होर्मुज तर्फ जाँदै गरेको एक इरानी तेल ट्यांकरमाथि आक्रमण गरी युद्धविराम तोडेको छ। इरानले आफ्नो सशस्त्र बलले तत्काल जवाफ दिँदै ठूलो क्षति पुर्याएको समेत दाबी गरेको छ। इरानी नौसेनाले शक्तिशाली विस्फोटक वारहेड प्रयोग गरी जवाफ दिएको र गुप्तचर प्रतिवेदन अनुसार अमेरिकालाई ठूलो क्षति पुगेको जानकारी दिएको छ। ट्रम्पले भने, इरानसँग वार्ता जारी रहेको हुँदा गोलीबारी भए तापनि युद्धविराम अझै कायम रहेको बताएका छन्।
पाकिस्तानमा दुई देशका उच्च अधिकारीबीच भएको वार्ताको प्रगतिका आधारमा केही समयका लागि आक्रमण रोकिने सम्भावना देखिएपनि अमेरिकाको र इरानको ताजाताजा आक्रमणले शान्ति सम्झौतामा जोखिम उत्पन्न गराएको छ। अमेरिकाले भन्यो कि उनीहरु तनाव बढाउन चाहँदैनन् तर पूर्ण रूपमा तयार र तैनाथ छौँ। स्ट्रेट अफ होर्मुज विश्वव्यापी तेल र ग्यास ढुवानीका लागि अत्यन्तै महत्वपूर्ण जलमार्ग हो। ट्रम्प प्रशासनले गत महिनामा होर्मुज क्षेत्रमा रहेका इरानी बन्दरगाहहरूको नाकाबन्दी सुरु गरेको थियो।
