सप्तरीको बोदेबरसाईन नगरपालिका वडा नं ९ स्वर्णपट्टीमा रहेको छोटी भन्सार कार्यालयको अवैध अतिक्रमणमा रहेको जग्गा वडा कार्यालयले सात दिनभित्र खाली गराउन निर्देशन दिएको छ। वडा अध्यक्ष तपसी यादवले हस्ताक्षर गरेको सूचनामा उल्लिखित समयावधि भन्दा भित्र जग्गा खाली नगरेमा क्षतिपूर्ति तिर्नुपर्ने उल्लेख गरिएको छ।
सप्तरीको बोदेबरसाईन नगरपालिका वडा नं ९ स्वर्णपट्टी गाउँमा लामो समयदेखि अवैध कब्जामा रहेको छोटी भन्सार कार्यालयको जग्गा वडा कार्यालयले खाली गराउने निर्णय गरेको छ। शुक्रबार सार्वजनिक गरिएको सूचनामा वडा कार्यालयले बोदेबरसाईन नगरपालिका वडा नं ९ स्वर्णपट्टी टोलअन्तर्गत रहेको सो भन्सार कार्यालयको अतिक्रमित जग्गामा बनेको संरचना सात दिनभित्र खाली गराउन निर्देशन दिएको छ। वडा अध्यक्ष तपसी यादवले हस्ताक्षर गरेकी सूचनामा उल्लेख गरिएको छ, ‘निर्धारित समयाभिस्तार भित्र जग्गा खाली नगरेमा सो जग्गाको क्षतिपूर्ति गर्नुपर्ने हुनेछ र अतिक्रमण गर्नेलाई जरिवाना तिर्न बाध्य गराइनेछ।’
