संघीय संसदका दुवै सदनको बैठक आज बस्दै, अर्थमन्त्रीले प्रिबजेट छलफलमा आएका प्रश्नहरूको जवाफ दिने

फाइल फोटो समाचार सारांश सम्पादकीय समीक्षा पश्चात तयार गरिएको। संघीय संसदका दुवै सदनको बैठक आज ५ जेठ काठमाडौंमा प्रतिनिधि सभाको बिहान ११ बजे र राष्ट्रिय सभाको दिउँसो सवा १ बजे बस्नेछ। बैठकमा विनियोजन विधेयकका सिद्धान्त र प्राथमिकतामा छलफल जारी रहनेछ र अर्थमन्त्री डा. स्वर्णिम वाग्लेले उठेका प्रश्नहरूको जवाफ दिने कार्यसूची तय गरिएको छ। प्रिबजेट छलफल सकिएपछि जेठ १५ गते सरकारले आर्थिक वर्ष २०८३/०८४ को बजेट सार्वजनिक गर्ने तयारीमा छ। ५ जेठ, काठमाडौं। संघीय संसदका दुवै सदनको बैठक आज बस्दै छन्। प्रतिनिधि सभाको बैठक बिहान ११ बजे र राष्ट्रिय सभाको बैठक दिउँसो सवा १ बजे बस्ने तालिका छ। बैठकमा विनियोजन विधेयकका सिद्धान्त र प्राथमिकतामा छलफल (प्रिबजेट छलफल) आज पनि जारी रहने छ भन्ने संसद सचिवालयका महासचिव पद्मप्रसाद पाण्डेयले जानकारी दिएका छन्। साथै उक्त छलफलमा उठेका प्रश्नहरूको जवाफ अर्थमन्त्री डा. स्वर्णिम वाग्लेले दिने कार्यसूची पनि तय गरिएको छ। बैठकको सुरुवातमा सभामुख डोलप्रसाद अर्यालले प्रधानमन्त्री तथा मन्त्रिपरिषद्को कार्यालयबाट प्राप्त कार्यभार थप सम्बन्धी पत्रको विवरण पढेर सुनाउने छन्। राष्ट्रिय सभाको बैठकमा पनि यस्तै कार्यसूची रहने छ। प्रिबजेट छलफल पश्चात जेठ १५ गते सरकारले आर्थिक वर्ष २०८३/०८४ को बजेट सार्वजनिक गर्ने तयारीमा रहेको छ।