प्रधानन्यायाधीश डा. मनोजकुमार शर्माले राष्ट्रपति रामचन्द्र पौडेलबाट शपथ ग्रहण गरेका छन्। संवैधानिक परिषद्ले न्याय परिषद्ले सिफारिस गरेका ६ मध्ये चौथो वरीयताका शर्मालाई प्रधानन्यायाधीश नियुक्त गर्ने निर्णय गरेको थियो। नेपाल बार लगायतले वरिष्ठताक्रम उल्लंघन गरी शर्मालाई सिफारिस गरेकोमा विरोध जनाएका छन्। ५ जेठ, काठमाडौं।
संसदीय सुनुवाइबाट अनुमोदित प्रधानन्यायाधीश डा. मनोजकुमार शर्माले आजै पदभार ग्रहण गर्नेछन्। सर्वोच्च अदालतका प्रवक्ता अर्जुन कोइरालाका अनुसार, शर्माले राष्ट्रपति रामचन्द्र पौडेलबाट शपथ लिएका हुन्। संवैधानिक परिषद्ले परम्परागत वरिष्ठताक्रमलाई तोड्दै शर्मालाई सिफारिस गरेपछि न्यायालयको स्वतन्त्रता र पारदर्शितामाथि प्रश्न उठेका छन्।
सर्वोच्च अदालतमा सबैभन्दा वरिष्ठ न्यायाधीश सपना प्रधान मल्ल हुनुहुन्छ। उनी वरीयताक्रमअनुसार प्रधानन्यायाधीश बन्ने अपेक्षामा हुनुहुन्थ्यो। सरकारले संवैधानिक परिषद्का लागि सम्बन्धित अध्यादेश जारी गरेर प्रधानमन्त्रीको इच्छाअनुसार व्यक्तिलाई सहजै अनुमोदन गराउने वातावरण बनाएको थियो।
६ सदस्यीय संवैधानिक परिषद्मा तीनजना सदस्यले पनि एकल निर्णय गर्न सक्ने व्यवस्था अध्यादेशमा समावेश गरिएको थियो। उक्त अध्यादेश जारी भएपछि संवैधानिक परिषद्ले बैठक गरेर शर्माको नाम सिफारिस गरेको थियो। शर्माको नाम सिफारिसप्रति प्रमुख विपक्षी दलका नेता भिष्मराज आङ्देम्बे र राष्ट्रिय सभाका अध्यक्ष नारायण दाहालले असहमति जनाएका थिए।
सम्बन्धित खबर
