चीनले अमेरिकी विमान कम्पनी बोइङबाट दुई सय विमान खरिद गर्ने सम्झौतामा पुष्टि गरेको छ। चीनको वाणिज्य मन्त्रालयले बुधबार यो सम्झौताबारे जानकारी दिएको हो। यस सम्झौताअन्तर्गत अमेरिकाले विमानका इन्जिनका पार्टपुर्जा र अन्य आवश्यक कम्पोनेन्टहरूको आपूर्ति गर्नेछ।
अमेरिकी राष्ट्रपति डोनाल्ड ट्रम्प र चीनका राष्ट्रपति सि जिनपिङबीच गत साता बेइजिङमा भएको भेटपछि चीनले अमेरिकाबाट विमान किन्ने निर्णय गरेको बताइएको छ। ट्रम्पले गत शुक्रबार चीनबाट फर्कने क्रममा एयर फोर्स वनमा पत्रकारहरूसँग कुरा गर्दै दुई देशबीच धेरै उत्कृष्ट व्यापारिक सम्झौताहरू भएको बताएका थिए।
ट्रम्पका अनुसार, यस सम्झौतामा बोइङका दुई सयभन्दा बढी विमान खरिद गर्ने प्रतिबद्धता समावेश गरिएको छ। उनले भने, “७५० विमानसम्म खरिद गर्ने प्रतिबद्धता गरिएको छ, जुन अहिलेसम्मकै सबैभन्दा ठूलो अर्डर हुन सक्छ।” दुवै देशले गत वर्षको अक्टोबरमा ट्यारिफ युद्ध रोक्ने सहमतिलाई अगाडि बढाउने दिशामा पनि काम गर्ने सहमति गरेका छन्।
सम्बन्धित खबर
