नेपाल स्कुल फुटबल लिग २३ जेठदेखि सुरु हुँदै

नेपाल स्कुल फुटबल लिग (एनएसएफएल) यू–१६ प्रतियोगिता आगामी २३ जेठदेखि सुरु हुँदैछ। यस प्रतियोगितामा ८ टोलीहरुको सहभागिता रहनेछ र डबल राउन्ड रोबिन प्रणालीअन्तर्गत शीर्ष दुई टोली फाइनलका लागि भिड्नेछन्। विजेताले ५ लाख रुपैयाँ पुरस्कार प्राप्त गर्नेछन् भने उपविजेताले २ लाख ५० हजार रुपैयाँ पुरस्कार पाउने छन्। उत्कृष्ट खेलाडीलाई पनि ५० हजार रुपैयाँ पुरस्कार दिइनेछ।

थन्डरबोल्ट्स डेभलपमेन्ट सेन्टरको आयोजनामा नेपाल स्कुल फुटबल लिग (एनएसएफएल) यू–१६ प्रतियोगिता आगामी जुन ६ देखि ललितपुरको धापाखेलस्थित थन्डरबोल्ट्स डेभलपमेन्ट सेन्टरमा सुरु हुँदैछ। स्कुलस्तरमै आयोजना हुने यस प्रतियोगितामा ८ टोली सहभागी हुनेछन्। सहभागी टोलीहरूमा जेम्स स्कुल, डीएभी स्कुल, काञ्जिरोवा स्कुल, लिटल एन्जल्स स्कुल, रातो बंगला स्कुल, एक्सेल्सियर स्कुल, सेन्ट जेभियर्स स्कुल र पाठशाला नेपाल फाउन्डेसन रहेका छन्।

प्रतियोगिता डबल राउन्ड रोबिन प्रणालीअन्तर्गत सञ्चालन हुनेछ, जसमा शीर्ष दुई टोलीहरूले फाइनलमा उपाधिका लागि प्रतिस्पर्धा गर्नेछन्। विजेताले ५ लाख रुपैयाँ पुरस्कार पाउने छन् भने उपविजेताले २ लाख ५० हजार रुपैयाँ पुरस्कार प्राप्त गर्नेछन्। साथै, सर्वाधिक गोलकर्ता, उत्कृष्ट खेलाडी, उत्कृष्ट गोलरक्षक, उत्कृष्ट प्रशिक्षक र फेयर प्ले अवार्डका विजेताहरूले जनही ५० हजार रुपैयाँ पुरस्कार प्राप्त गर्नेछन्। १६ वर्षमुनिका खेलाडीहरू मात्र सहभागी हुन पाउने यस प्रतियोगितालाई स्कुलस्तरकै सबैभन्दा ठूलो फुटबल प्रतियोगिताको रुपमा मानिन्छ। आयोजकहरूले यस प्रतियोगिताले युवा खेलाडीहरूको प्रतिभा विकासमा महत्वपूर्ण भूमिका खेल्ने विश्वास व्यक्त गरेका छन्।