इटलीका पाओलो रोसीले सन् १९८२ को फिफा विश्वकपमा उपाधिसहित गोल्डेन बल र गोल्डेन बुटको पुरस्कार जितेका थिए। उनले त्यो प्रतियोगितामा कुल ६ गोल गर्दै इटलीलाई विश्वकपको उपाधि जिताउन मुख्य भूमिका खेलेका थिए। सन् २०२० डिसेम्बरमा ६४ वर्षको उमेरमा निधन भएका रोसीले आफ्नो खेल जीवनमा इटलीका लागि ४८ खेल खेल्दै २० गोल गरे।
१० जेठ, काठमाडौं। एकै पटक फिफा विश्वकप उपाधि, गोल्डेन बल र गोल्डेन बुट जित्ने खेलाडीको अनुभव कस्तो होला? विश्वकप ट्रफी, उत्कृष्ट खेलाडी र सर्वाधिक गोलकर्ताको अवार्ड जित्दा खुसी शब्दले व्यक्त गर्न सकिँदैन। इटलीका पाओलो रोसी त्यस्ता खेलाडी हुन् जसले सन् १९८२ मा फिफा विश्वकपको उपाधिसँगै उत्कृष्ट खेलाडी र सर्वाधिक गोलकर्ता बन्न सफल भए।
उनले विश्वकप ट्रफी मात्र होइन, समान अवसरमा गोल्डेन बुट र गोल्डेन बल पनि हात पारे। रोसीको समावेशी इटालियन टिमले विश्वकप उपाधि जित्यो। उनले उत्कृष्ट खेलाडीको रूपमा गोल्डेन बल र सर्वाधिक गोलकर्ता हुँदै गोल्डेन बुट पनि जिते। इटलीलाई विश्वकप जिताउन उनले उत्कृष्ट प्रदर्शनका साथ सर्वाधिक ६ गोल गरे।
स्पेनमा १९८२ मा आयोजित १२ औं संस्करणदेखि नै विश्वकपमा उत्कृष्ट खेलाडीलाई गोल्डेन बल र सर्वाधिक गोलकर्तालाई गोल्डेन बुट पुरस्कार दिइन थालिएको थियो। पहिलो पटकमा नै रोसीले यी सबै पुरस्कारमा क्लिन स्वीप गरे। फाइनलमा इटलीले पश्चिम जर्मनीलाई ३–१ ले हराउँदै, रोसीले पहिलो गोल गरेका थिए। समूह चरणमा गोल गर्न नसकेका रोसीले दोस्रो चरणमा उपाधिको दावेदार ब्राजिललाई ३–२ ले पराजित गर्दा ह्याट्रिक गर्ने अद्भुत प्रदर्शन देखाए।
