कतारले नेपाललाई ७७ रनको लक्ष्य दिएको छ

मलेसियामा सञ्चालन भइरहेको एसीसी महिला प्रिमियर कपको पहिलो खेलमा कतारले नेपाललाई ७७ रनको लक्ष्य दिएको छ। टस हारेर पहिला ब्याटिङ गरेको कतारले १६.५ ओभरमा सबै विकेट गुमाएर जम्मा ७६ रन मात्र बनाउन सक्यो। नेपालका लागि घातक बलिङ गर्दै रुबिना क्षेत्रीले ३ विकेट लिए भने कतारका चार खेलाडी रनआउट भएका छन्। २० जेठ, काठमाडौं। मलेसियामा जारी एसीसी महिला प्रिमियर कपको पहिलो खेलमा कतारले नेपाललाई ७७ रनको लक्ष्य प्रस्तुत गरेको छ। टस हारेर पहिले ब्याटिङ गर्ने अवसर पाएको कतारले १६.५ ओभरमा अलआउट हुँदै ७६ रन मात्र बनाउन सकेको छ। कतारका लागि ओपनर गेटरुडे चन्दिरुले सर्वाधिक २५ रन बनाए भने कप्तान आइशाले १० रन योगदान दिइन्। नेपालका लागि रुबिना क्षेत्रीले ३ विकेट लिए भने कविता कुँवर, पूजा महतो र रिया शर्माले एक-एक विकेट लिए। कतारका चार ब्याट्सम्यान रनआउट भएका छन्।