२१ जेठ, काठमाडौं । एक चर्चित गायिकालाई विभिन्न माध्यमबाट अनावश्यक पीडा तथा निरन्तर हैरानी दिएको आरोपमा प्रहरीले एक युवकलाई पक्राउ गरेको छ। प्रहरीले जनाएको छ कि २२ वर्षिय अजय यादवलाई जिल्ला प्रहरी कार्यालय पर्साको समन्वयमा वीरगञ्जबाट पक्राउ गरिएको हो। यादव बारा जिल्लाको देवताल गाउँपालिका–२ का स्थायी बासिन्दा हुन्। उक्त गायिकाले काठमाडौंमा उनले विरुद्ध उजुरी दर्ता गराएकी थिइन्। उजुरीका आधारमा प्रारम्भिक अनुसन्धानमा यादवले लामो समयदेखि विभिन्न फोन नम्बरबाट ती गायिकालाई पटक–पटक फोन गरेर हैरानी दिँदै आएको देखिएको छ। प्रहरीले पक्राउ परेका यादवलाई थप अनुसन्धान र आवश्यक कानुनी प्रक्रिया अघि बढाउन काठमाडौं ल्याउने जनाएको छ। घटनासम्बन्धी थप अनुसन्धान जारी रहेको प्रहरीले जनाएको छ।
