लिओनेल मेस्सीलाई कुनै द्विविधा छैन। विश्वकपसम्बन्धी एउटा विज्ञापन घोषणा कार्यक्रममा नयाँ पुस्ताका उत्कृष्ट खेलाडीबारे सोधिएको प्रश्नमा मेस्सीले भने, “त्यो लमिन हुन्। त्यसमा कुनै शङ्का छैन : मेरा लागि उनी सर्वोत्कृष्ट हुन्।” त्यही साता अमेरिकी टेलिभिजन नेटवर्क सीबीएसले यमाल लमिनलाई स्पेनले विश्वकप जित्न सक्ने सम्भावनाबारे प्रश्न गरेको थियो। उनी मुस्कुराएर ‘जित्छ’ भने।
स्पेनका ‘वन्डरकिड’ यमाल लमिनको प्रशंसा मात्र भइरहेको छैन, उनको ‘कम्पोजर’ र ‘स्पष्टता’का कारण यी युवा फुटबलरले आफ्नो विशिष्ट पहिचान पनि बनाइरहेका छन्। उनी १८ वर्षका छन्। उनले च्याम्पियन्स लिगको सेमिफाइनल र युरोपियन च्याम्पियनशिपमा खेलेका छन्। पन्ध्र वर्षसम्म निरन्तर बार्सिलोनामा लगाइने मेस्सीको १० नम्बरको जर्सी उनलाई दिइएको छ। उनको प्रतिभाभन्दा पनि शान्त स्वभाव सबैभन्दा उल्लेखनीय पक्ष हो।
मेस्सीसँग तुलना हुनु स्वाभाविक हो। लमिन यमाल चाहे पनि वा नचाहे पनि उनको मेस्सीसँग तुलना हुन्छ। दुवैको बायाँ खुट्टा उत्कृष्ट रूपमा चल्छ। यी युवा खेलाडीको ‘ड्रिब्लिङ’ कौशल र छल्ने शैली मेस्सी जस्तै छ, जसले अप्ठ्यारोलाई पनि सहज देखाउँछ। लमिन यमालको प्रभाव ठूलो छ, तर उनलाई मेस्सीजस्तो कायम राख्न सक्ने भन्ने विचार अलि अपरिपक्व हुनेछ। १८ वर्षको उमेरसम्ममा उनले बार्सिलोनाका लागि १५१ खेल खेलेका छन्।
