२७ जेठ, काठमाडौं । व्यक्ति हत्या तथा डाँका सम्बन्धी संघीय मुद्दाका फरार प्रतिवादी पक्राउ परेका छन्। पक्राउ पर्नेमा काभ्रे जिल्लाको पाँचखाल नगरपालिका–४ का ३९ वर्षीय कृष्ण मगर रहेका छन्। उनीहरूलाई काठमाडौं उपत्यका अपराध अनुसन्धान कार्यालयका टोलीले पक्राउ गरेको हो।
कृष्ण मगर जेनजी आन्दोलनको समयमा केन्द्रीय कारागार सुन्धारा बाट फरार भएका थिए। २०७८ असोज ६ मा सिन्धुपाल्चोकको मेलम्ची नगरपालिका–१० सिम्ले फाँटमा नेत्रप्रसाद दाहाललाई कोदालो प्रहार गरी हत्या गरेको आरोप उनीमाथि थियो। त्यसका लागि २०७९ पुस १८ मा २५ वर्ष कैद सजाय सुनाइएको थियो। डाँकाको अभियोगमा समेत ७ वर्ष कैद र ७० हजार रुपैयाँ जरिवाना निर्धारण गरिएको थियो। पक्राउ परेका उनलाई प्रहरीले पुनः सुन्धारा कारागार पठाएको जनाएको छ।
सम्बन्धित खबर
